Ullveka lanserer i 2021 "Årets Ullvekeutstillar”. Vi ønsker å sette fokus på aktørar i vår region som arbeider med ull på eit vis som bør løftast fram og bli satt lys på.
Som første ut har vi Anne Grete Breisnes, vevar og plantefargar.. Instagram: @annegretebreisnes
Ho er Husflidshandverkar og har vore aktiv i mange år både ved veven og ved fargegrytane. På verkstad sin i Kunsthuset på Austrheim har ho i ei årrekke trylla fram dei lekraste tekstilane i ulike fibrar. I Ullvekeutstillinga 2021 skal vi sette fokus på arbeidene i ull.
Anne Grete har ein spennande verksemnd i vevane sine. Ho har eksprimentert og prøvd ut mykje i ulike enkle- og avanserte bindingar, mange av dei i villsauull. Nokre av tekstilane er såpass komplekse at det rett og slett er imponerande at dei ar laga utan datastyrt vev. Anne Grete er glad i å dele av kunnskapen sin og underviser i vev både i eigen verkstad og i Bergen.
Etter fleire utprøvingar i avanserte bindingar kjøpte Anne Grete seg ein slik datastyrt vev med mange skaft. Men sjølv om ho no kan ta i bruk datavev som lettar arbeidsprosessen i dei mest kompliserte bindingane noko, så er det ikkje alltid ho gjer det likavel. Ho har ein grunnleggande nyskjerrigheit som driv ho i stadige nye utprøvingar og det ligg ein grundigheit i botn som gjer at ein berre må la seg imponere av Anne Grethe sitt arbeid. Og ikkje minst: heile tida gle seg i spenning til kva ho kjem opp med vidare.
Vi er stolte av å få vise Anne Grethe sine arbeider i Ullveka, og vi er faktisk og spent på kva vi skal få sjå - noko av det er rett og slett i produksjon i skrivande stund!
Det vil og vere mogeleg å kjøpe Anne Grethe sine arbeider. Ho vil vere tilstades torsdag kveld når Hillesvåg Ullvarefabrikk arrangerer Natt på fabrikken.
